最近老公和我工作都非常忙，很久沒有帶約初出去走走了，難得有個一次性的紅日假期，就出去逛逛。
約初踏入一歳了，自我意識開始越來越強，越來越好動(即係曳
)，出街食飯時常常坐唔定，本來是想出去搵吓啲有吸盤既玩具，可以俾小初食飯時坐定定玩。
)，出街食飯時常常坐唔定，本來是想出去搵吓啲有吸盤既玩具，可以俾小初食飯時坐定定玩。
最後當然係要買既買唔到，買咗件本來唔諗住買既玩具啦
登...登...登...登...
就係呢個木製既PlanToys van walker，第一眼見到，感覺是，咁細既，係咪真係俾bb學行用架，平時見嗰啲學行推車好大件，外型唔太吸引到我。但這個例外，細小、輕巧、木製、外型討好，完全符合我的要求，重要做緊8折，雙眼即時發亮
經過同老公商量分析後，我地都覺得這個van walker對小初有幫助。
事原我同老公很早前已發現約初腳仔很有力，可以唔扶住野企係度，又可以唔扶住野做踎低起身既動作都非常穩，不會左搖右擺，於是嘗試拖著小初兩隻手教佢行路，但小初一直都唔肯行，行兩步就要坐低唔肯企起身，諗住小初慢慢會行架啦，但情況一直都無改善，就係咁我地決定買這個俾小初試吓學行。
我唔怕小初發展慢，只怕係因為自己俾唔足夠既刺激同探索小初，以致佢發展慢。
講咗好多費話，進入正題先...
這個是購自AEON玩具部，老公晚飯時已急不及待砌好架van walker同約初去公園玩。
＃手把可以因應身高掉較長短
＃這個扭可以調較車輪鬆緊，避免行得過快而跌倒
＃車身還可以放物品或玩具
因為要調較車輪鬆緊，食完飯係商場俾小初玩咗一陣，一收起，佢就大喊，以為唔俾佢玩，小初由出世到現在從來對任何玩具都無乜太大興趣，更加從來無扭過要玩具的，但對這個van walker如此有興趣真是第一次。
一開始小初非常心急，行動又急又大步，但行咗一陣，佢好快開始掌握到步速，重嘗試單手推住黎行，玩完一輪後，我拎走架車，單手拖住小初叫佢嘗試行，佢竟然可以跟住我行咗好多步(之前試過好多次雙手拖住佢行都唔肯架)，感覺這個van walker對於小初實在太有用啦。(每個小朋友發展都不一樣，所以應按自己小朋友發展而去選擇合適的給他們，我的分享可作為一個參考，不是絕對的啊
）
）
＃小初試玩短片，可到我的FACBOOK專頁收看（上載質數不是太好，請見諒）
還有兩個月我地就會出發第一次帶小初去旅行了，真的期待小初到時學識行路
小資訊：木製玩具我原本只認識Hape這個德國品牌，因為這個van walker令我認識多了一個木製玩具品牌PlanToys，已經有三十多年歷史，環保為理念，製造各類富有特色、益智、教學性及娛樂性兼備的玩具，總公司及生產也在泰國，美國、日本及歐洲都設有子公司。
這篇第一次長篇大論，希望我既分享不會太悶啦！
