我要成為 iTrial 體驗達人

驗證碼：0dafad240f83923d7efa058902d046

Lancome Advanced Genifique嫩肌活膚精華肌底液

非常幸運地第一次抽到貨size試用😍😍😍

一星期過去了，係時候出個試用報告啦，今次非常認真的試用，為了試出真正效果，過去的一星期無轉用其他護膚品，就係要看看呢支精華既威力。通常都係先講包裝再講效果，今次反轉，先講效果，佢既質地比較稀，好易推，吸收力非常好，好快就被皮膚吸收哂。我係混合性偏油膚質，因長期夜瞓關係，皮膚又黃又暗啞，個樣勁殘，用了這個精華，皮膚真係光亮咗，無咁殘，上妝都貼啲，完全解決到我呢啲長期唔夠瞓既皮膚(完全做到官方描述咁：為肌膚一點一滴地注入生命，肌膚觀感由內而外燃點起驚人的亮澤光芒)好誇張㖭。

包裝方面都好吸引我，黑色設計再襯埋銀色，我覺得好靚，最鐘意佢個泵裝設計，特別係每次關蓋佢就會自動泵咗啲精華入個test tube裏面，所以每次打開按蓋頂個掣就會有精華液出來，非常方便，唔似傳統test tube咁要手動吸入。

我絕對會回購這個精華，因為佢解決到我個殘樣，質地又唔黏，即使夏天用都無問題，好正
(PS.不提供使用前及後的相片，原因係而家太多執相既apps,要咩效果都有，根本唔可以作準，所以信我講既就會信，唔信我講俾相睇都係唔會信😛)

HANAKA 花戀肌凍亮掃黑面膜炭長

朋友從台灣買回來的手信，開價品牌，只試用了兩次，效果實在太好，好心急要即時介紹。

黑色的包裝，可以保濕、去粉刺、嫩白、油光bye bye

打開裏面是黑色的gel

洗完面後，全面敷上30分鐘，再用清水沖洗就可以，非常簡單。

我習慣T字位會厚敷，因為我鼻翼兩側長期都有得多粉刺，摸上去感覺都不平滑的，敷完後問題完全解決，好神奇，鼻翼兩側粉刺無哂，即時變平滑了，以前就算用深層清潔mask或磨沙去角質用品都解決不了的問題，但這個gel竟然輕易解決了，又不傷皮膚，日日用都無問題。

Kiehl's金盞花植物精華化妝水

Kiehl's金盞花植物精華化妝水用了足足兩個季度先來推介的，真的不可不推，已列入我的回購List中。

以前只會用磨沙膏去角質，黑頭同粉刺，但鼻翼永遠是最難攪的，怎樣也是紅紅的及不平滑，這個多人都推介說好用，但價錢實在太貴，所以先買支細支裝試試先，天天用都可以用到一個夏季，今年夏季又再度回購，買了勁大支裝。

大細支裝對比，真的相差4倍耶(･･;)細支裝其實係青瓜植物精華化妝水，因為也是推介品之一，所以又買黎試試

夏天出油勁多，都想用一些比較清爽護膚品，這個就很適合，用完感覺絕對不會有負擔，可活化、調理肌膚，並可修護青春痘疤痕、收斂毛孔、鎮靜舒緩肌膚泛紅敏感症狀。亦適合男性刮鬍後使用。

未用前皮膚狀態：面部多油，鼻卜多粉刺、黑頭，鼻翼泛紅，偶有暗瘡

開頭用這個化妝水唔覺得皮膚有什麼改善，但大概用了個幾兩個星期左右開始見效，鼻上粉刺減少，鼻翼摸上手好平滑，泛紅減少了。

除咗係潔面後用之外，也會用化妝棉濕敷暗瘡及敏感泛紅的地方，也可以得以舒緩。

底部全都是金盞花，絕對真材實料=p

Makeup Brush-Real Techniques

平價化妝掃推介，Real Techniques呢個品牌化妝掃外國很多blogger推介，佢不是動物毛造，只是人造纖維，但有動物毛般柔軟，找粉能力亦很好，推介碎粉掃，夠大只掃幾下就可掃完全面，另還買了一set旅行裝，包裝不算靚，但就很實用，打開後可利用索繩把他棟起，剛剛台灣旅行也是用佢，非常輕巧及方便。我在以下網店購買,HQhair(免運費售賣點),因為計英磅,會比美金貴少許,或可在其他收美金的網店購買,但就要留意是否免運費,iherb收美金,但好似要買夠唔知幾多錢先免運費的，有興趣就自行求證啦=p

Esteen Lauder - Advance Night Repair II(ANR II)

人生第一支名牌精華素，是在美國代購買的，因為當時做緊優惠又有野送，計埋運費比香港買還要便宜。真的非常好用，特別係長時間唔夠瞓及捱夜的情況下，絕對是我的救星，皮膚不會因為唔夠瞓而唔上妝。

ANR係為幫助睡不好而提早老化的肌膚在晚間進行修護，1982年到現在已有超過30年歷史，比我還老呢，hehe係一個出名經典的精華素。

我已經用了兩支，因為用完唔記得影相就掉了個樽，所以拎住個試用裝影住相先，呢支已經係第6代ANR II啦～

它是gel狀的，質地唔杰身，比較水潤，揸上皮膚好易推開，好快吸收，感覺好滋潤。

Etude House Rich Butter Heel Cream

入秋天氣開始乾燥，我的腳踭又開始出現想龜裂的情況了>_<

以前成日著襪同波鞋，腳踭一直都沒有出現乾燥同龜裂問題，但而家著多咗皮鞋後，腳踭開始乾了，所以要係佢開始龜裂之前解決佢，這個超好，好滋潤，值得推介。

以下是我經過一晚使用前及使用後的情況

這不是神藥，我只是用了一晚，但已經可以看到有明顯的改善

這個產品我很已經是兩年前在Gmarket買的了，價錢忘記了，但記得唔貴的，當時香港還未有Etude House專門店，不過曾經在尖沙咀龍城見過有得賣， 現在不知還有沒有這產品或是已經改包裝了，可去專門店望望

有關於我

好耐無繼續分享啦, 嚟緊希望可以將以往用過又覺得好用既野分享下, 我個人比較專一(唔知醜tim=p), 用開好用既野我好少轉, 不過因為愛靚既關係, 我都經常會上網睇下Beauty Blog或youtube, 但我絕對不會花費大量金錢去成日買野黎試, 通常都係做過資料搜集, 知道適合自己膚質或針對當時我皮膚出現的問題或需要先會去買黎試, 所以不是定期有分享, 但一遇到好的, 無論係化妝護膚或日常生活既正野,好野, 總之九唔撘八, 只要我想既都會分享^0^

我個人就覺得皮膚需要有適應期, 不能經常不停轉用護膚品(尤其對我這些皮膚不太好，又唔穏定的人), 所以我不會不停轉用不同的護膚品, 除非唔適合我皮膚用啦~

再重覆講講我皮膚是混合怕偏油的，毛孔粗大，經常有長痘痘的情況出現，於是不斷用一些控油及暗瘡皮膚的護品， 但原來我一直用錯產品， 最近幾一兩年，我開始去了解自己皮膚問題，嘗試留意自己皮膚問題的變化，不斷尋找及嘗試不同的護膚品， 過了一段時間，我發現皮膚改善了，毛孔細咗，暗瘡少咗，出油情況亦減少了。皮膚出油並不一定是代表你係油性皮膚的，有時可能是因為皮膚太乾反而出油越多，所以先了解自己皮膚問題的原因，再找出適合自己護膚產品是很重要的，當然生活習慣也是有很大的關係啦。

最重要是我不會因為網上的Beauty Blogger介紹好用就去用， 如果產品是不適合自己膚質，再幾好用放在自己臉上也不會發揮到功效，所以我看Beauty Blog都只是作個參考， 不會盲從。

Gmarket@2013_Round2

每次訂Gmarket都會有驚喜， 但今次除了驚喜外，還遇到賣家送錯野，以往都只是送錯顏色，但這次竟然是送錯了第二樣產品給我，這是訂了Gmarket四年來第一次發生，已經就快一個月都仲未解決到....

唔開心野唔講啦，講下今次收獲啦

今次主要是買護膚品，洗頭水，襪，瘦身茶

遂樣介紹吓先：

Banila Co. 因為做緊特價，所以買了他們的皇牌試月用，上圖是我買的，下圖是Seller送的Samples & Gift

一直都很想試用Primera這個有機品牌，故今次買了他的皇牌 Alpine Berry Watery Cream試用

                                     

MdoC這個其實是韓國專門for男性的護品牌，但其實女仔如果皮膚適合都可以用的，今次就試用控油收毛孔精華及零毛孔導藍泥，這兩支售價只是40000won，大概港幣＄284，但香港某R字頭化妝護膚品舖分別賣＄318(精華)＋＄238(藍泥)，價錢實在差太遠了，無可能唔Gma啦，重要有勁多Samples送（上圖是我買的，下圖Samples）

                                         

                                 

韓國綠茶名牌O'sulloc瘦身茶，同香港水貨店價錢參不多，但Gma買野成日都會有驚嘉，買了6盒10包裝，竟然送咗一大支Foot cream

made in Korea的襪，又平又舒適 （上圖是買給自己，下圖是買給老公的，真係大細超＝P）

 

最後是香港Hit咗好耐既"呂“洗頭水，2支洗頭水＋1支護髮素 15300won, 大約港幣＄106，千色店都有售，但淨係1支洗頭水已＄80，都係Gma好

其實Gmarket不時都有sales的，介紹一個Beauty Calender俾大家

http://english.gmarket.co.kr/planview/plan.asp?sid=113578

這裏可以查看近期或將會Sales的化妝護膚品

Samsung旗下Deoproce Special Water Plus Lotion

我皮膚是混合怕偏油的，經常有長痘痘的情況出現，於是不斷用一些控油及暗瘡皮膚的護品， 但原來我一直用錯產品， 最近幾一兩年，我開始去了解自己皮膚問題，嘗試留意自己皮膚問題的變化，不斷尋找及嘗試不同的護膚品， 過了一段時間，我發現皮膚改善了，毛孔細咗，暗瘡少咗，出油情況亦減少了。皮膚出油並不一定是代表你係油性皮膚的，有時可能是因為皮膚太乾反而出油越多，所以先了解自己皮膚問題的原因，再找出適合自己護膚產品是很重要的，當然生活習慣也是有關啦。

最重要是我不會因為網上的美容Blogger介紹好用就去用， 如果產品是不適合自己膚質，再幾好用放在自己臉上也不會發揮到功效，所以我看美容Blog都只是作個參考， 不會盲從。

最近試用了一隻新LOTION，是Samsung旗下的護膚品牌，起初聽到Samsung都很奇怪，心想“乜唔係出電器架咩，佢出既護膚品得唔得架”，但出奇地讓我對他另眼相看。

這品牌叫Deoproce， 我試用的是他其中一個系列叫Special water plus

                                          


他的賣點是當塗抹在臉上時，立即冒出水珠直接給皮膚供應水分，因而使乾燥而疲憊的皮膚長時間保持濕潤的一種供應水分的專門產品。

由於含arbutin，抑制黑色素的生成，因而使皮膚變得透明、清亮。並且因含腺甘，有助於改善皺紋以及皮膚彈性，給皮膚造成最佳的皮膚環境。從現在開始用Dioplus Special water plus給皮膚解渴。

                                         


揼出來是啫喱狀，推開後你會發現神奇的事情出現，就是佢會變成水，係會有一點點水珠出現，很快就會被皮膚吸收

                                         

他的保濕能加超強，可以當作粧前乳使用，自從用完他上妝後，個妝會好貼仲好Long Lasting, 出油情況減少了。

以上分享可作個參考, 最重要都係針找適合自己的產品。

Gmarket shopping

曾經高峰時期, 我和老公(以前是男友啦)每次都會掃$3000-5000, 真的非常瘋狂, 亦不斷向身邊朋友推介, 但大部份人反應都是話韓文好難睇唔識買, 最後不了了知, 朋友都有叫我不如試下幫人代購, 因為以我在Gmarket買野既經驗, 付了錢賣家先通知無貨或送錯顏色等, 所以唔敢公開幫人代購, 只係幫過同事、朋友及家人代購。

而家因為興韓國野, 連帶Gmarket出名起來, 代購服務就更加很多選擇啦。

早年我訂Gmarket時還未有Top Bloggers, 當時Top Bloggers開始時全都是英文或韓文B log, 心想中文實無人睇得明啦, 所以無寫過。HeHe, 最近發現很多中文Blog文出現, 有感分享內容很好, 大家可以互相交流買到的好野, 所以激發我都想分享下^0^

之前Gmarket都無影相, 以下只有最近兩次影過, 都分享下啦~

以上四件是我最滿意的, 左上角桃粉紅色鞋我是在太子聯合見到黑色, 但只得最後一對重要有啲花咗, 於是唔甘心上Gmarket搵, 真係俾我搵到, 平過聯合買重要係好靚既桃粉紅色, 唔使諗即買…

右上及下角的包包同筆分別在香港賣韓國文具雜貨店及淘宝有售, 香港賣價錢當然貴啦, 忘記正碓會錢, 但印象中都貴超過$100, 淘宝當然就唔敢肯定真貨定假貨啦~

哈哈, 以上是為了我的婚禮而買的

1. 花環-實物比圖還要美, 註冊時佈置用。

2.毛毛披肩-因為我是冬天結婚, 婚紗是低胸露肩的, 所以要找一條靚靚披肩, 同我的婚紗      非常的襯, 又保暖, 最緊要平, $1XX 

3.珠錬-配襯婚紗用, 非常之平, 平均$40-60一條, 買咗幾款返黎再慢慢襯, 之後重借埋俾表    妹結婚用, 非常經濟。

 超愛這披肩=P