約初開始學坐的時候, 我就準備要買Playmat, 首先我目標很清晰, 我要一張過既, 絶對唔買拼的, 因為教幼稚園時曾用過,個人認為非常的唔好用, 小朋友坐唔定, 喜歡週圍郁, 地墊經常散開, 清潔唔方便, 打理亦非常麻煩。近年韓國地墊非常受歡迎, 其中Alzip 同Foldaway playmat越來越多人用, 屬摺疊式地墊, 我都曾經有考慮過。
我同老公都想俾約初有一個固定的遊戲區, 所以地墊唔需要又收又摺, 始終一張過是最好的, 美觀啲又方便清潔, 最後target咗韓國兩個大牌子Dwingular及Parklon, 大家都係PVC無毒地墊, Parklon另有PE物料地墊, 不過無諗過買, 所以無研究過。款式方面, 我係極度抗拒公園、英文字母, 又係愛美關係, 加上香港提供的Size好大, 加上售價真係好貴, 於是我又上網搵啦。
其實台灣係最多款及齊Size, 但台灣價錢同香港差不多重要未計運費, 唯有搵番韓國網啦, 一搵就比我發現Parklon原來係LG公司旗下品牌, 而LG有一條Line叫LG Hausys都係有地墊, 而 Dwingular同LG既地墊都係由同一間叫I&S既生產商生產, 所以其實都無乜分別, 咁我既選擇可以收窄了, 就係只睇款同價錢。
經過一番搜尋, 我發現Parklon同LG Hausys既款多啲, 亦很合我心意, 以下是Parklon一般提供的Size, 厚度有1.2cm, 1.5cm同4cm, 價錢由4百幾至2千都有, 視乎款式、Size、厚度。
我target 190個Size, 厚度1.2cm都夠啦, 4cm實在太厚又重, 重要成2000蚊, 而我睇中嗰張只係4百幾, 加埋運費都唔過$700, 非常心動。
以下是我買的款, 都是雙面可用的
Subtotal :
KRW 59,000 + Domestic Shipping KRW 0 + International Shipping KRW 31,040 = approx. USD 83.37(KRW 90,040)
很多時實在沒有時間寫Blog, 所以只會在我的FACBOOK專頁作分享, 想追蹤更多我的分享，可到我的FACEBOOK專頁
沒有留言:
張貼留言